Zee Se Scribbles

Waarvan die hart vol is, loop die mond van oor


18 Kommentaar

Jesus loves me…..

Zeethan sing tog al te vrolik saam met die CD wat sy kleuterskool juffrou vir hom gemaak het van al die liedjies wat hulle die jaar in die skool geleer het terwyl ons in die kar sit en wag vir Marcia om gou klaar inkopies te doen. 

Ek het al vergeet wat se nagmerrie dit is om saam met ‘n kleuter in die winkels in te vaar wat alles wil hê  😆

Hierdie was net te kostelik vir my, en gryp toe my selfoon om dit af te neem.  (OK, ek weet, ek is nou nie ‘n goeie kamera man nie, maar my arme (nuwe ) selfoon het al soveel keer geval dat ek nou ook nie beter kwaliteit kon verwag het nie 😦


16 Kommentaar

My hero!!

My hero!!

Jane het eendag vir Ben10 vertel (ek het gaan soek op haar blog maar kry nou ongelukkig nie die inskrywing nie 😦 )  Sy het vir haar nefie as ek reg kan onthou die horlosie gesoek want dit was al wat hy ook nog gekort het van Ben10 en ek het geen clue gehad van wie sy praat nie. 

Mmmmm, glo my, vandag weet ek presies wie Ben10 is, want Zeethan wil net Ben10 voor en Ben10 agter, as ons in ‘n winkel is moet ek baie groot draaie om die karakter loop 🙂  Nou die dag was ek gou Woolies toe en daar het hulle die Ben10 swem stelletjie vir seuns, ek haal af om na dit te kyk want die somer is hier en hy kort nuwe swem klere,  meneertjie sien dit raak en wil net kyk, nou ja, hy het dit vasgeklou asof hy nooit weer iets in sy lewe gaan kry nie, en ek moes toe maar die swem stelletjie koop 🙂

Gelukkig werk sy pappa nou en hy kan nou die nuwe gier vir hom koop.  Nog elke maand sover met sy salaris die afgelope 3 maande kry Zeethan net Ben 10 gadgets, klere, kombers en rugsakke.  Hy het vir hom tot die regte Ben 10 uitrusting gekoop.  (Foto onder)  Sodra Ouma A3 die broek korter gemaak het, sal ek hom bietjie afneem en vir julle kom wys 🙂

ben10

Ben10 lyk my is Zeethan se hero op die oomblik, maar hierdie kind sal seker maar altyd my HERO bly 🙂

Het ek al gesê die kind eet en slaap Ben10 🙂

zee sig 2

PS…. het ek genoem dat Zeethan weer BLOU aan het  vandag 🙂


23 Kommentaar

Die nood!

Vanmiddag is ek gou bietjie Ouma A3 toe, sy is al die hele week nie lekker nie, en na ‘n paar drips by die dokter se spreekkamer nog steeds nie beter nie, maar van hospitaal toe wil sy niks weet nie.   Sy vra toe of ek vir haar bietjie jelly kan bring want haar keel het ook nou infeksie en sy sukkel om enige iets anders in haar lyf in te kry.

Ek stop toe eers gou by die kleuterskool en tel vir Zeethan op en gaan haal toe ‘n paar pakkies jelly en weg is ons na Ouma A3 toe.

Toe ons by die ouetehuis indraai sê meneertjie dadelik…. **Dis darem maar wonderlik hoe daardie klein breintjies al plekke kan identifiseer** “Dam toe Ouma” – ai, die kind is darem maar lief vir die buitelewe.  Ons gaan groet toe gou eers vir Ouma A3 en kuier so bietjie.  (Die deur moet gesluit word anders sal hy sommer net verdwyn dam toe)  Later sê ek  dis nou tyd om huis toe te gaan,  maar moenie dink meneertjie het van die dam vergeet nie…..  Ek moes maar my belofte nakom en hom gou bietjie dam toe vat 🙂

Die foto’s het ek sommer met my selfoon geneem en gou hierdie video aan mekaar geslaan..

So, as jy wil weet waaroor DIE NOOD gaan, kyk die video 🙂

zee sig 2