Zee Se Scribbles

Waarvan die hart vol is, loop die mond van oor

My Tuisland se Woude en Klowe

8 Kommentaar

Ek het by Eilandkind oor Afrika, my bloed gelees en dit laat my terug dink aan die CD’s wat my oom vir my  gebring het so ‘n rukkie terug met hulle blits besoek aan S.A.  Een van die CD’s het hy Heimwee genoem omdat hy so verlang na sy geboorte land.  Hy is net soos Eilandkind met ‘n Amerikaner getroud.  Die CD is opgeneem by ‘n “konsert” wat hy vir die Amerikaners gedoen het by die Trinity United Methodist Church in Columbus, Ohio, USA in Maart 2008.

Hierdie Heimwee CD laat my weer vandag aan my seun dink en daar sak weer so donkerte om my toe soos die laaste paar dae.   Hierdie Kersfees gaan dit weereens ‘n jaar sonder my kind wees.  Die vyfde een in ‘n ry.  Maar ek weet verseker volgende jaar gaan dit anders wees.

Die volgende liedjies het hy vir die gehoor gesing in Afrikaans (hulle het ‘n vertaling byderhand gehad in Engels want waar het jy nou gesien dat hulle een woord sou verstaan)

  • Seeman
  • Fyn soos ‘n Vlinder
  • My Rita
  • Wandellied
  • Die Vrolike Musikant
  • Heimwee
  • Lied in my Hart
  • Mooiste Dag
  • My Tuisland se Woude en Klowe – ‘n gedig deur CGS  De Villiers.

My Tuisland se Woude en Klowe gesing deur Willie Grové in Afrikaans.  Onder is die engelse vertaling wat hy gedoen het.

MY TUISLAND SE WOUDE EN KLOWE
C. G. S De Villiers

My tuisland se woude en klowe is skoon
En daar het ons twee vanmelede gewoon
Daar sing nog die voëltjies die lied van ons jeug
En bring nog die boodskap van weemoed en vrees

O woud van my tuisland
Suis diep in my hart
Bring soete herhinrings
Bring lawing na smart

Nou wandel ek eensaam en voel nêrens tuis
O woud van my jeug, jy’s my laaste tehuis.

THE FORESTS AND VALLEY OF MY HOMELAND 
Engelse vertaling deur Willie Grové 

My homeland’s forests and valleys are fare 
And that’s where we lived in years gone by 
The birds still sing the songs of our youth 
and still bring their messages of happiness and joy 

Oh, forsest of my homeland 
Flow deep in my heart 
Bring sweet remembrances 
Bring comfort in grief 

 Now, I wander, lonely and feel nowhere at home   
Oh, forest of my youth, youre my last resting place   

 zee-0

Ns…  Emil dankie vir jou moeite, en toe was dit al die tyd nie CJ Langenhoven nie… maar CGS De Villiers😦

Na maande se gesoek het Willie toe die woorde vir my gestuur… en ai, mens hoor die heimwee in sy skrywe! 

 

Ek het nie a digbundel nie, behalwe die een in my kop, en die FAK sangbundel wat jou ma en pa my 32 jaar gelede gegee het toe ek Amerika toe is. Maar ek ken die lied en die woorde. Die wysie is van ‘n ou Walliese volkswysie af, en hier is die woorde: (Soos bo)

As ek hierdie liedjie sing dan huil ek sommer van verlange! Dit is op daardie CD “Heimwee” wat ek jou laas jaar gegee het. In die binnekant van die jewel case booklet is die engelse vertaling van die woorde.

Willie, dit is die “Heimwee” CD wat my hierdie post laat skryf het…. want ek het snot en trane gehuil in die kar toe ek na die CD geluister het, en so gewens dat julle hier naby ons gebly het! 

Author: Zee

Waarvan die hart van vol is, loop die mond van oor....

8 thoughts on “My Tuisland se Woude en Klowe

  1. Ja, daar is niks soos ‘n mens se eie tuisland nie.

  2. Beautiful song!

    Sterkte, Zee. Nog ‘n Kersfees sonder jou seun ~ kan nie maklik wees nie. 😦

  3. Ja, volgende jaar gaan verseker anders wees.

    ((((((Zee))))))))

  4. Ai Zee. Ek is net so bang vir Kersfees…

  5. Sterkte ((((((((((((((Zee)))))))))))))

  6. Ek stem volgende jaar gaan anders wees, watch this space!

    Sterkte (((Vriending)))

  7. Zee, jy het my nou lank teruggevat..na my laerskool-dae! Ons het die liedjie op laerskool gesing!! Dankie man! Dit was nou weer heerlik! Lekker ou herinneringe! En ek het al “vergeet” van die liedjie!

  8. Zee, dit is ‘n lekker projek waarmee jy my opgesaal het😆

    Ek het Langenhoven se Versamelde Werke. Sal daarin gaan soek – ek is seker ek sal “My Tuisland se Woude en Klowe” kan opspoor.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s