Zee Se Scribbles

Waarvan die hart vol is, loop die mond van oor

Tiniël – Vir Vygie

6 Kommentaar

Hierdie gediggie is vir ‘n baie spesiale persoon gekryf.  Sy is nou 9 jaar oud en is gebore met Down Sindroom.

Lyanda het hierdie gedig vir haar sussie se kind ongelooflik eenvoudig geskryf, want sy wou hê dat sy dit ook moes verstaan.

Ek dra hierdie gediggie met toestemming dan spesiaal op aan Vygie omdat ek glo dat sy ook klein Loren hier sal herken!

j0428643.jpg

Tiniël 

Jou wandelende feetjie

ek roep jou kom bietjie

hier in my arms in

vir `n vlietende soen.

ducks.gif

Jy weet die meeste mense

sal na jou voeteval luister

as jy soos `n feetjie lag

en dit klink asof jy fluister.

ducks.gif

Feetjie, ek raak skoon verdwaal

want jy kan so maklik

`n wandelende liefde

in my hart kom haal.

ducks.gif

Is jy nou `n feetjie

of is jy `n prinses?

met diamante op jou kroonjie

en vir elke-een `n soentjie.

ducks.gif

Jy kan al die mense

om jou laat versoet

met `n vrag vol liefde

en dit weet jy goed.

ducks.gif

`n Feetjie dit glo ek

want borrel-laggies weergalm

in jou se pa hart en in ma jou se arms

so ver as jy gaan, maak jy harte warm!

Author: Zee

Waarvan die hart van vol is, loop die mond van oor....

6 thoughts on “Tiniël – Vir Vygie

  1. Pragtig! Ek werk met ‘n Down-sindroom kind – 14 jaar oud…op die oomblik…Jenny is ‘n pragtige kind, vriendelik, liefdevol en het ‘n goeie sin vir humor… ek het nooit besef dis wonderlik om met sulke mensies te werk nie! Sy funksioneer op die vlak van ‘n 8jarige op die oomblik.

  2. Iets besonders!
    Ons Vader weet ook net vir wie Hy sulke spesiale mensies kan gee!
    My Ouboet sy stiefseun is serebraal verlam,maar daar skort niks met sy verstand nie, en Alwyn se geloof in God en die hiernamaals is van die sterkste wat ek al teë gekom het. Hy sê ook gereeld dat hy nie kan wag om in die hemel te kom nie, want hy wéét daar gaan hy kan rond hardloop en bal speel, iets wat hy hier op aarde nie kan doen nie!
    Grootneus🙂

  3. Zee, jy het ‘n mooi hart. En hierdie gediggie is onvergeetlik mooi.

  4. Zee, ek dink Lyanda is net so spesiaal dat sy dit vir haar sussie skryf. Baie mooi.

  5. Liewe Zee, baie dankie hiervoor. Ek herken Loren inderdaad. En vandag mis ek hom sommer nog meer as gewoonlik…

  6. Dit is so ontsettend pragtig. Wat vir my die heel-heel mooiste van hierdie sonskynkinders is, is dat hulle altyd lag. Hulle het ‘n vreugde in hulle opgesluit wat ons net kan beny…

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s